Проф. д-р Маја Аргирова од Клиниката за хирургија во Бугарија денеска на прес-конференција посочи дека сите повредени пациенти се во добра здравствена состојба.

Сите пациенти се во стабилна состојба, на сите на кои требаше им се направени оперативни зафати вчера. Двајца од пациентите ќе бидат оперирани и денеска, истакна таа.

Според Аргирова, едното лице кое треба да биде оперирано е со изгореници на рацете, додека пак на друга девојка треба да ѝ биде извршена операција на десното колено.

Таа вели дека на истата девојка ѝ е направена вчера операција на левото колено.

Еден од пациентите се наоѓа во тешок психички шок и дека со него е психолог.

Аргирова додава дека шест пациенти се сместени на Клиниката за хирургија, додека едно лице е на Клиниката за трауматологија.

Д-р Аргирова потврди дека лекарите од болницата се во контакт со македонски колеги.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.