Состојбата со корона вирусот е алармантна. Наместо да покаже вистинска грижа за граѓаните, власта носи небулозни мерки од кои апсолутно никој нема корист, истакна на денешната прес-конференција доктор Марија Андоновска.

Потребни се прави мерки во вистинско време, а не мерки без ефект, задоцнети или во погрешно време. Не само што нема соодветни мерки во вистинско време, воедно се манипулира со бројката на новозаболени на дневна основа, како и со тоа дека вирусот слабее и го имаат под контрола. Велеа дека имаме пик кога заболуваа по триесеттина луѓе дневно, а сега кога имаме три пати повеќе новозаболени на дневна основа, велат дека вирусот слабее. Филипче и Заев никако да се свестат дека приоритет треба да им биде здравјето на граѓаните. Во земјите од регионот Македонија стана прва вест! Да, прва вест и сите се чудат како вирусот стивна секаде само не и во Македонија, вели таа.

Андоновска посочи дека Филипче и Заев треба да дадат одговор, но не само тоа. Филипче и Заев треба да признаат пропуст, да се корегираат и да понесат одговорност.

Власта ги остави граѓаните сами во битката со корона вирусот. Но, граѓаните треба да знаат дека ВМРО-ДПМНЕ секогаш ќе биде нивниот глас, да се најде решение за нивните проблеми со кои се соочуваат! ВМРО-ДПМНЕ воедно дава максимална поддршка на целиот здравствен персонал од примарно, секундарно и терциерно здравство и силно апелира да се има слух за нивните реални потреби наметнати од ново настанатата ситуација. Приоритет за ВМРО-ДПМНЕ било, и ќе биде здравјето на граѓаните! Нема простор за политика, кога станува збор за здравјето на граѓаните, нагласи Андоновска.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.