Во однос на видеото кое се споделува на социјалните мрежи, а на кое се гледа лице кое постапува спротивно на мерките и одлуките на Владата за ограничување на движењето и при контрола од страна на полициски службеници истото се претставува како полициски службеник, министерот за внатрешни работи Наќе Чулев информираше дека во текот на денешниот ден од страна на Одделот за внатрешна контрола, криминалистички истраги и професионални стандарди, извршени се проверки при што е констатирано дека се работи за полицискиот службеник З.Р. вработен во ОКР Карпош при СВР Скопје.
Од извршените проверки и извршениот разговор со наведеното лице, констатирано е дека истиот видеото го објавил на 08.04.2020 година во 20,20 часот со вклучување во живо на својот фејсбук профил, додека се враќал од работа кон дома движејќи се по бул. Партизански Одреди. Од увидот во распоредот за работа во ОКР Карпош утврдено е дека наведениот ден бил работно ангажиран до 20,00 часот, објави министерот.
Додаде дека против истиот ќе биде поведена постапка за утврдување на дисциплинска одговорност за постапување спротивно на Упатството за користење на социјални мрежи, како и за рушење на угледот на МВР.
Апелирам, граѓаните и полициските службеници да бидат крајно внимателни со содржините и објавите на социјалните мрежи и воедно потенцирам дека најостро ќе бидат казнувани сите лица кои со своето однесување ќе го нарушат угледот на полицијата.
Напоменувам дека, секое постапување кое е спротивно на законот ќе биде соодветно санкционирано, порача Чулев.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.