Утрово со неверување ја примив веста дека синоќа на Инфективната клиника во Скопје починал Игор Ангеловски – Гиле. Тој беше вработен во Министерството за внатрешни работи и за време на техничката Влада од моја страна беше назначен за Началник на Секторот за внатрешни работи во Велес, стои во Фејсбук статусот на поранешниот министер за внатрешни работи, Наќе Чулев.

– Игор беше исклучително храбро и силно момче, спортист и полициски службеник во вистинска смисла на зборот. Позади себе ја имаше поминато речиси цела хиерарска поставеност во полицијата. Беше чесен и одговорен човек кој ја сакаше својата работа и со целото свое срце беше посветен на работните обврски во Министерството за внатрешни работи.
МВР изгуби голем професионалец, сите ние кои го познававме изгубивме вистински пријател, а неговото семејство го изгуби столбот, тој беше сопруг и татко на две деца.
Нема зборови со кои може да се долови тагата и болката од прераната загуба на младиот живот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.