Чулев до Спасовски: Треба да поднесеш оставка затоа што ти оставив комплетирана истрага, а ти една година не презеде ништо

Поранешниот министер за внатрешни работи Наќе Чулев откако беше споменат од страна на актуелниот министер Оливер Спасовски се обрати преку социјалната мрежа Фејсбук.

Наведената истрага беше речиси хибернирана во периодот кога стапив на функцијата министер за внатрешни работи, за да со целосна посветеност колегите, и покрај сите опструкции во периодот на техничката Влада, се мотивираат и се даде максимум за нејзино реактивирање. Истрагата беше речиси комплетирана во периодот кога бев министер, но заради задржување на професионален однос и несакањето да биде ставена во контекст на парламентарните избори, истата не финишираше односно не беше обелоденета, пишува Чулев.

Тој вели дека причината поради која се чекало недозволиво долг период кога во континуитет се издавале македонски пасоши исклучиво ја знаел Оливер Спасовски и одговорноста била исклучиво негова.

Сега е крајно време Оливер Спасовски, да понесе најмалку морална и политичка одговорност, и да ја препушти оваа одговорна функција на личност која максимално посветено и чесно ќе ја извршува истата. Тој има обврска одговорно и согласно со законите да ја извршуваа таа функција и за тоа не треба да биде потсетуван и да му се врши притисок од страна на опозицијата, граѓаните и странските партнери кои пак очекуваат бескомпромисна борба со организираниот криминал и корупција“, додава Чулев.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.