Четворица здравствени и двајца просветни работници од Тиквешко се позитивни на коронавирус, потврди за МИА доктор Ристе Јовановски, специјалист епидемиолог при кавадаречкиот Центар за јавно здравје.

Од четворицата здравствени работници тројца се од Кавадарци и еден од Неготино. Просветните лица се кавадарчани кои држеле онлајн настава. Центарот бележи и едно починато лице од Кавадарци на возраст од 79 години.

На ниво на Тиквешки регион, евидентирани се нови 59 лица со Ковид-19. Од нив, 41 се од Кавадарци, еден од Росоман, 15 од Неготино и двајца од Демир Капија. Сите се на возраст од 12 до 70 години.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.