По месец и половина откако ја започна вакцинацијата на граѓани на границата со Македонија, бугарската компанија „Комак медикал“ ја прекинува работата на 31 јули, потврди за дописникот на МИА од Софија сопственикот на фирмата и лекар Милен Врабевски.

Причина за одлуката, според Врабевски, е дека Македонија обезбеди вакцини за граѓаните во различни градови во земјата.

Вакциналните пунктови на бугарската медицинска компанија работат во реонот на граничните пунктови Станке Лисичково-Делчево и Златарево-Ново село, меѓу двете држави и на жителите кои сакаа да се вакцинираат не им беа налагани ПЦР тестови за влез во Бугарија.

Досега 3.200 граѓани на Македонија беа вакцинирани од страна на „Комак медикал“ и ним им биле издавани сертификати за вакцинација, рече Врабевски.

Сите што се вакцинирале со една доза, ќе можат да ја примат втората до 31 јули.

Врабевски вели дека вакцините што беа ветени од бугарскиот претседател Румен Радев за Македонија, сè уште не се доставени.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.