Грозна слика ги вознемири виничани, откако изминатите денови на улицата Димитар Герасимовски Дидо во овој град нашле неколку отруени кучиња како безживотно лежат на асфалтот.

Градоначалникот на Виница Ивица Димитров за Слободен печат вели дека не е првпат да се случува ова и дека на оваа улица и пред неколку години имало отруени животни.

Некој несовесен граѓанин најверојатно ставил отров. Вчера утрото ме известија граѓани, па јас го известив комуналниот инспектор и го пријавив случајот лично во полиција. Понатаму тие ќе преземаат мерки, се слушнав и со јавниот обвинител и да видиме како ќе постапат. Беа четири кучиња на фотографиите и после уште две имаше најдено пред некои контејнери. Дел од кучињата беа скитници, некои беа домашни миленици. И луѓето што ме информираа се јавија во полиција и се надеваме дека сторителот ќе биде откриен. Пред неколку години кога не бев градоначалник, имаше колку што се сеќавам некој ваков случај на истата улица, изјави Димитров.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.