Лидерот на Алтернатива Африм Гаши на свиканата седница на Централниот совет собрание на партијата пред членовите вечерва ја презентира понудата на премиерот Зоран Заев за Алтернативата да стане дел од Владата.

Како што неофицијално дознава Алсат, партиското тело меѓу другото ќе расправа и за ресорите што Заев му ги понудил на Гаши. Станува збор за два ресора – здравство и информатичко општество, како и тројца заменици министри.

Се шпекулира дека министер за здравство ќе биде партискиот секретар и поранешен кандидат за градоначалник на општина Чаир, Беким Сали. Гаши планира Министерството за информатичко општество и администрација да му го довери на огранокот на Алтернатива во Куманово.

За имињата од вториот ешалон, неофицијално се очекува партијата на Гаши да го предложи Орхан Муртезани за директор на МЕПСО. Заев и Гаши досега одржаа три средби на кои разговараа за понудата и принципите за влез на Алтернатива во Владата. Но, по средбите Заев и Гаши не открија детали. На последниот состанок во Клубот на пратениците, Гаши кусо изјави дека има позитивен напредок во разговорите.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.