Портпаролот на ВМРО-ДПМНЕ Димче Арсовски на прес-конференција ги повика СДСМ, МВР, но и премиерот Зоран Заев да одговорат на низа прашања кои ги постави тој. На веста дека е фатен камион со нецаринета брендирана стока, чијашто крајна дестинација била да се истовари во скопската населба Шуто Оризари тој ги упати следните прашања:

Дали ваков камион со нецаринета брендирана роба и автомобилски делови е фатен од страна на службени лица на МВР и однесен во полициската станица Шуто Оризари?

Дали камионот кој ја превезувал робата е на блискиот соработник и пријател на семејството Заеви, кој имено е и сопственик на фирмата „Сакаов транс“, која пак е вршител на транспортот на оваа роба? Дали робата која што се превезувала, за која што медиумите пишуваат дека е на фирмата „Винекс текстил“ е на блискиот пријател на Заеви, и бизнис партнер во одредени бизниси на семејството Заеви, Крмзов кој пак важи и за близок пријател на братот на Зоран Заев, Вице Заев.

Дали во моментите кога бил камионот однесен во полициската станица од страна на службените лица, превезувал нецаринета, односно шверцувана роба и дали има некаква белешка за тоа? Бидејќи службените лица за тоа и го застанале и го однеле во станицата.

Дали е вистина дека вчера откако камионот бил фатен со оваа роба од неофицијално која што чини над стотици илјади евра, половина министерство, вклучувајќи ги и раководните структури на министерството се јавиле да интервенираат за да камионот бил ослободен и пуштен?

Дали е вистина дека бил вршен притисок врз полициските службеници да се заташка целиот случај, со закани дека доколку не се стори тоа ќе страдаат самите тие и нивните семејства?

Дали е вистина дека за таа ургенција директно бил задолжен блискиот соработник на Крмзов, братот на Зоран Заев, Вице Заев, за кој се споменува дека и неофицијално бил вмешан во целата шема?

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.