Театрите на Бродвеј остануваат затворени поради пандемијата на коронавирус до 6 септември, соопшти денеска групата Broadway League.

Театрите, кои се една од најголемите туристички атракции во Њујорк, претходно имаа датум на отворање на 7 јуни.

Бродвејската лига, која ги претставува театарските продуценти и сопствениците, соопшти денеска дека работи со властите, синдикатите и здравствените работници за да развие план за повторно отворање со нови заштитни мерки за публиката, изведувачите и сценските работници.

Театрите се соочуваат со уникатен предизвик со пандемијата во која се вклучени голем број луѓе на мал простор и физички контакт меѓу актерите на сцената.

Продуцентите дискутираат за поставување претстави со помалку изведувачи, нема да има големи мјузикли, додека сценаристите работат на приказни кои овозможуваат социјално дистанцирање.

Бродвеј ги затвори своите театри на 12 март. Во тоа време, се играа 32 претстави, вклучувајќи ги хитовите како „Хамилтон“, „Хари Потер и проколнатото дете“ и „Убиј ја потсмешливата птица“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.