Претставата ,,Северно од Македонија” на актерот и екс директорот на драмски, Сашо Тасевски откажана. Нема да се емитува во Домот на култутрата во Прилеп. Директорката со класична саботажа ! Настанало грешка, иако била закажана, сега немало термин за изведба!
Сашо Тасевски револтиран.

Како во времето на Чаушеску, се се забранува и цензурира. Власта предводена од Заев не прифаќа никаква критика па макар таа била кажана и во театар. Или најмногу боли кога некој кој до вчера бил твој кадар сега најмногу критикува или пак ја зборува голата вистина?

Контроверзниот глумец , во Прилеп не успева маестрално да се врати на стенд ап сцената. Вели ова му се нема случено и во времето кога најгласно зборувал против ВМРО ДПМНЕ. Никој не се дрзнал да му откаже претстава.

А бе курлиња, ко беше ДПМНЕ пуштено на најјако, во 2011 година, никогаш не ми се случи Универзална Сала да ми откаже стендап настап, иако директорката беше асли вмровка. Она лично ми правеше мобинг и притисок дури и пред самата претстава: Не го кажувај тој дел вчера што го кажа на пробата, не ти треба, си имаш фамилија, убаво работно место… Сепак, никогаш не се дрзна да ми откаже настап со некое беззвезно оправдување, иако бев дрзок кон неа: Види, мене ВМРО ниту ми ја дало работата ниту ќе ми ја земе!

Диркторката во Прилеп не успеал ниту да му даде добра причина зошто претставата е откажана, едноставно настанало грешка. Го преупатила Тасевски да ја презакаже после изборите, како што вели самиот тој, тогаш кога во таа жештина никој не влегува во Домот на културата.Тасевски вели дека ова е класична ЦЕНЗУРА и врв на непрофесионализам,

Претставата Северно од Македонија, што беше договорена ПРЕД ДЕСЕТ ДЕНА, во Домот на културата во Прилеп, за 31 март, веднаш по скопските претстави на 29 и 30 март, денес директорката ја откажа. Образложението не вреди да го спомнам. Грешки се случувале. Мене ми продава муда за бубрези. Јас бев директор, такви грешки не смеат и не можат да се случат. Распоредот секогаш беше пред мене, на биро. Овој и овој термин ви се слободни. Едноставно букираш термин и тоа е. Ниту еден што букирал не сум го извисил. Нека кажат. Ама на директорката во домот во Прилеп, некој и кажал да ме шутне, ама ако. Не е ни важно. Пропадна работата, иако веќе се продадоа преку двеста карти за таа претстава во Прилеп, и се направи плакат за билборд и други работи. Како јас и продуцентите да ги погледнеме сега во очи тие луѓе што купиле карти и сакале претстава? Му рекла на продуцентот ќе добиете простор кон средината на мај. После изборите и после све, кога веќе на никој не му е да се пика во домови за култура на 40 степени. Ај ако не, во јули да ја правиме на Халкидики. Врв на непрофесионализам. Да и ќе се дрзнам да кажам: ЦЕНЗУРА! Кој ве клацка, пишува Тасевски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.