Градската библиотека „Браќа Миладиновци“ – Скопје организира промоција на поетската книга Патот од Виолета Танчева-Златева. Книгата е добитник на наградата на ДПМ „Ацо Шопов“ за најдобро поетско остварување во 2018 година.

За најновата поезија на Танчева-Златева ќе зборува Владимир Мартиновски а стихови ќе читаат: Ј. Величковска, Д. Евтимова, Б. Стојановска и С. Стојчевска

Промоцијата ќе се одржи в четврток на 24 октомври 2019 година со почеток во 12 ч., во Спомен-соба на Миладиновци во Библиотеката

 Виолета Танчева-Златева е родена 1968 година. Член е на ДПМ од 2000 година. Пишува поезија, проза и есеи. Ги објавила прозните книги Книга за сонот, Враќања, Враќање во Бориово и Шарени писма. Автор е на стихозбирките Мојот Пикасо, Заробеници на молкот, Огнена, Нашата приказна, Година без лето и Патот. Добитник е на престижните награди за поезија „Браќа Миладиновци“ и „Ацо Шопов“.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.