Викендов, на 20.04 (сабота) и 21.04 (недела) во Вардар Филм (ул. 8 март бр.4) од 10:00 до 18:00 часот ќе се случува отворена аудиција за играниот филм „Сестра” во режија на Дина Дума, а во продукција на „Круг филм“ и „Лист продукција“.

„Сестра” е приказна за соочувањето со последиците од сопствените акции, на две најдобри другарки, тинејџерки и е тест за нивното другарство.

На аудицијата ги повикуваме да дојдат сите кандидати кои се заинтересирани за улогите во филмот, но и за статисти. Кадидатите можат да бидат на било која возраст или пол.  Аудицијата ќе се состои од фотографирање и кратко видео претставување, а ќе биде реализирана од кастинг агенцијата „Гужва“, велат од „Лист продукција“.
„Сестра” е финансиски поддржан од Агенцијата за филм на Република Македонија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.