Друштвото на писателите на Македонија го распиша конкурсот за доделување на годишните награди за најдобри остварувања во 2018 година. Литературните остварувања ќе се наградуваат со следниве признанија: „Ацо Шопов“ за поезија, „Стале Попов“ за проза, „Димитар Митрев“ за критика и есеистика, „Ванчо Николески“ за најдобра книга за деца и наградата „Мост“ за најдобра книга напишана на еден од јазиците на националностите во Македонија.

Конкурсот е отворен до крајот на годинава, а книгите до ДПМ треба да се достават по пошта или во канцеларијата во четири примероци. Одлуката за доделување на наградите ќе ја донесе комисија составена од петнаесет членови од редот на писателите, литературните критичари и есеисти.

Наградите свечено ќе им бидат врачени на добитниците на 13 февруари – Денот на формирањето на Друштвото на писателите на Македонија.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.