Највисокото признание на фестивалот на монодрама кој синоќа заврши во Битола, наградата „Гран при“ според одлуката на жири-комисијата во состав Весна Петрушевска – претседател, Тодор Кузманов и Љупчо Ѓоргиевски, ја доби претставата „Последната лента на Крап“ од Семјул Бекет, а во режија и изведба на Ѓорги Јолевски.

Ѓорги Јолевски е добитник и на признанието за најдобра режија, а наградата за најдобар актер на фестивалот ја доби Биљана Драгичевиќ – Пројковска, за улогата во претставата „Кармен“ од Мигел Делибас во режија Дејан Пројковски.

Наградата од публиката ја доби претставата „Избувливиот човек“ од А.П.Чехов, во која главна улога имаше актерот Ефтим Трајчов.

Фестивалот на монодрамата во Битола се одржа со поддршка на Министерството за култура и општина Битола.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.