Владата денеска го разгледа и усвои Извештајот за завршени преговори и за склучување на Договорот помеѓу Република Македонија и Европската Унија за учество на Македонија во Креативна Европа (2021- 2027) и определи амбасадорката на Постојаната мисија на Република Македонија при Европската Унија во Брисел Агнеза Руси – Поповска да го потпише Договорот.

Согласно овој договор, Република Македонија, преку Министерството за култура, ќе учествува во оваа програма со вкупен износ од 1,14 милиони евра, распределени во седум години, со што се стекнува со пристап до буџетот на Програмата Креативна Европа (2021-2027) кој изнесува 2.44 милијарди евра.

Програмата ја препознава културната разновидност како главен приоритет преку кој треба да се одговори на предизвиците со кои денес се соочуваат културниот, креативниот и аудиовизуелниот сектор, а нејзини приоритети се заштита, развој и унапредување на културната и јазичната разновидност и наследство, како и зајакнување на конкурентноста и економскиот потенцијал на културните и креативните сектори и на аудиовизуелниот сектор.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.