Саркофагот на египетскиот владетел Тутанкамон е подложен на реставрација првпат по откривањето во 1922 година. Во 2020 година украсниот ковчег на младиот фараон и други предмети поврзани со неговото владеење ќе бидат изложени во новиот голем музеј.
Египетските власти и вчера го изложија позлатениот саркофаг на Тутанкамон пред јавноста.
Обновувањето почна кон средината на јули кога ковчегот беше префрлен од гробницата од Долината на кралевите, во јужен Египет, во Големиот египетски музеј во Каиро. Реставрацијата ќе трае осум месеци.
Тутанкамон е можеби најславниот египетски фараон благодарение на британскиот археолог Хауард Картер, кој во 1922 година ја откри неговата недопрена гробница.
Детето фараон – Тутанкамон бил син на Екнатон и веројатно на неговата далеку пославна сопруга – владетелката Нефертити. Младиот владетел седнал на престолот на девет години, а починал десет години подоцна од маларија.
На почетокот од јули Египет побара од Интерпол да се пронајде портретот на Тутанкамон, стар 3.000 години, што беше продаден во Лондон за 5,3 милиони евра, и покрај противењето на Каиро.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.