Од 8 до 14 март во „Котур-кафе“ ќе бидат прикажани петте долгометражни и двата кратки филма на Милчо Манчевски, заедно со изложба на постери од неговите филмови, работни скици, интервјуа, критики и писма.

Неделата посветена на режисерот е насловена „Филмска азбука – Милчо Манчевски“ и ќе почне задутре од 20 часот со проекција на петтиот негов филм „Бикини Мун“.

Во недела, 10 март, од 20 часот ќе биде прикажан филмот „Мајки“, а во понеделник во истиот термин „Сенки“.

На 13 март од 20 часот е проекцијата на краткиот филм „Крајот на времето“, по кој ќе биде прикажан играниот филм „Прашина“. На 14 март на програмата се краткиот „Четврток“ и филмот „Пред дождот“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.