Фондацијата за унапредување и промоција на културните вредности „СЛАВКО ЈАНЕВСКИ“ распиша конкурс за наградата „РОМАН НА ГОДИНАТА“

Фондацијата „Славко Јаневски“ доделува единствена и неделива годишна награда „Роман на годината“ за која можат да конкурираат сите романи, за првпат објавени на македонски јазик во текот на 2018 година.

Наградата се доделува по предлог од петчлена жири-комисија, составена од реномирани книжевни дејци и еден претставник на Фондацијата.

Романите што влегуваат во конкуренција за наградата „Роман на годината“ можат да бидат предложени од самите автори или од нивните издавачи.

Предлагачите се должни најдоцна до 15 јануари 2019 година да ги достават предложените романи во пет примероци кои не се враќаат. Пожелно е да се испрати и електронска верзија (во word или pdf формат) на адресата romannagodinata@gmail.com

Наградата мора да биде доделена.

Фондацијата „Славко Јаневски“ е должна да ја објави одлуката за наградата најдоцна до 15 март 2019 година.

Наградата „Роман на годината“ се состои од плакета, статуетка и паричен износ од 150.000 денари.

Романите се доставуваат во читалната „Славко Јаневски“ во Скопје, ул. „Димитрие Чуповски“ бр.21, Скопје (до гимназијата „Јосип Броз Тито“), секој работен ден од 12 до 20 часот или по пошта на адреса: Фондација „Славко Јаневски“, бул. „Кузман Јосифовски Питу“ бр. 19/6-40, 1000 Скопје.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.