Црковниот хор „Калистрат Зографски“ од Струга вечер во центарот за култура „Браќа Миладиновци“ ќе одржи Божикен и новогодишен концерт.

На програмата ќе бидат композиции од божикниот литургиски циклус, додека Ристе Миладинов ќе чита кратки текстови поврзани со содржината на музичките дела. Во рамките на програмата воведно обраќање ќе има директорот на центарот за култура Николина Велкоска Глигороска, а празнична беседа ќе одржи и проф. д-р отец Стефан Санџакоски.

Новина пред стружани ќе биде настапот на детскиот хор „Калистрат Зографски“.

Црковnиот хор „Калистрат Зографски“ функционира во рамките на литургиската заедница при манастирот „Рождество на Пресвета Богородица“ во Калишта. Членовите на хорот ја негуваат древната византиска музичка традиција на црквата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.