Басистката Андреа Мирческа е добитник на годинешната награда за најдобар млад џез музичар „Златен Орикс“ (Golden Oryx) на  Скопскиот џез фестивал. Наградата ѝ беше врачена во синоќа на церемонијата во МКЦ клуб-ресторан во Скопје.

Среќна сум што годинава сум добитник на оваа награда. Особено што мислам дека признанието доаѓа во време кога сè уште сум на почетокот на мојата музичка кариера, што е индикација дека го направив вистинскиот избор кога станува збор за музиката. Оваа награда ќе биде поттик да продолжам да работам на мојот сопствен развој и да понудам нови и квалитетни проекти – изјави победникот Андреа Мирческа.

Мирчевска студира џез–контрабас на Факултетот за музичка уметност во Скопје, во класата на професорот Кирил Туфекчиевски, каде во моментот е дипломец. Иако е млада музичарка, таа веќе стекна значително искуство во џезот преку повремени настапи со групата „Летечки пекинезери“, а воедно беше дел од музичкиот фестивал во Сараево, учествуваше и во голем број концерти на Јордан Костов Трио. Покрај редовните настапи на клупските џез-свирки во Скопје и другите градови во земјава, таа моментно е вклучена во најновиот авторски проект „Шамба“ на гитаристот Бојан Петков. Таа е исто така вклучена во многу уметнички проекти како што се ГОДО, Танго Ритмо, ЗиБомб Лабаво и Фанки и други.

Наградата се доделува за најдобар млад џез музичар веќе трета година по ред за поддршка на младите музичари во нивните достигнувања од областа на културата. Овогодинешната добитничка Мирчевска е прва жена која ја добива оваа награда, откако претходните две години признанието заврши во рацете на пијанистот/клавијатурист Филип Димишковски и тапанарот Виктор Филиповски.

Годинешниот Скопски џез фестивал се одржува од 17 до 20 октомври во Македонската опера и балет (МОБ), МКЦ и клубот „Епицентар“. Во фокусот на годинешното издание на фестивалот ќе биде одбележувањето на 50-годишнината од германската издавачка куќа „ECM Records“, на која ќе настапат светски познати звучни музичари како што се американските гитаристи Дејвид Торн и Фред Фриц со своето трио, квартетот на Аннару Брам, грчкиот лирски мајстор Сократ Синопулос, бендот „Арт Ансамбл на Чикаго“, триото на норвешката џез сензација Торд Густавсен, францускиот басист Joоел Леандер и многу други истакнати музичари. На Скопскиот џез фестивал ќе бидат претставени и еклектичниот „Оркестар на магијата“ на Џијан Емин и групата „Next To Silence“.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.