Актерите од Струмица од денеска излегуваат на протест, а паралелно битката ќе ја водат и по институционален пат, бидејќи се сомневаат во документите од кандидатурата на избраниот директор на Националната установа Центар за култура „Антон Панов“. Тие со протести почнуваат денеска во Струмица, а од четврток ќе се преселат и пред Министерството за култура во Скопје, каде очекуваат поддршка и од другите културни уметници од државата.

Актерите протестираат бидејќи на распишаниот конкурс за директор беше избран Васил Бубев, професор по физичка култура и актуелен директор на градинката „Детска радост“ во Струмица, a одбиени беа магистер по културен менаџмент и актерка со речиси 30-годишно искуство. Според Министерството за култура одбиените кандидати немале целосна документација кога конкурирале на огласот.

Актерите од Струмица од Министерството за култура не добија одговор во врска со нивното барање за поништување на конкурсот за збор на директор.

Од министерството за култура одговорија дека според постоечкиот закон не постои правен основ за поништување на огласот, а новоизбраниот директор се согласил на предлог на вработените да именува уметнички раководители во центарот.

Освен во Струмица и во тетовскиот Центар за култра за директор е избран фискултурец. Станува збор за Арлинд Хусеини кој магистрирал и по спротски менаџмент а во последните 8 години работел како шеф на кабинтетот на државниот секреатар при министерството за култура.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.