Tрипуновски: Субвенциите се обврска, а не милост на министерот за земјоделие и претседателот на СДСМ

Дополнителниот министер за земјоделие, Цветан Трипуновски на својот профил на Фејсбук вели дека субвенциите се обврска, а не милост на министерот за земјоделие и претседателот на СДСМ.

Исплатата на субвенциите – пари кои што државата им ги должи на земјоделците, не е милостиња на Љупчо или Заев како што тоа сакаат да го прикажат, туку нивна обврска согласно закон.
Исплатата на субвенциите доцни веќе три недели. Наместо на време да почнеа со исплага сега прават гужви по банки, ја злоупотребуваат полицијата и прават драма, од нешто што требаше да помине како рутинска исплата.
Почитувани замислени величини. Субвенциите мора да ги исплатите, тоа е обврска и не се претатавувајте како лажни хуманитарци. Тие земјоделци произведуваат и плаќаат данок за да имате вие пари да фрлате на тендери и партиски вработувања и најмалку што заслужиле е да им се исплати тоа што е нивно.
Исплатата сега не ве аболицира од одговорност за сите пропусти во изминативе три години. Тутунот оваа, како и во изминативе три години како сте на власт им се откупува под цена, и се врши нереална проценка, вештачки се обезвреднува тутунот на земјоделецот.
Дополнително, оваа исто како и во изминативе три години големи количини на тутун останаа неоткупени.

Тутунарите не се мали деца за да ви поверуваат на лагите. Попусто се трудите да манипулирате. Тутунарите и земјоделците во целост не се задоволни од вашите политики и чекаат да си заминете, напиша Трипуновски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.