Почетокот на овогодинешната манифестација „Пиво Фест 2019” кој се одржува во Прилеп започна со скандал, пренесува порталот Аутоклуб.

Имено на влезовите во градот како и транзитните точки поставени се бариери на кои се наплаќа доколку сакате да влезете, но и поминете во Прилеп со цел да стигнете до вашата дестинација која не е Прилеп.

Нивен читател ги контактираше со цел да го искаже својот револт и незадоволство. Како што им пренесе, тој за да стигне до својата крајна дестинација, Македонски Брод морал да плати за да помине.

Им објаснив дека мојата крајна дестинација не е Прилеп и дека не планирам да се задржам во градот. На ова лицата кои беа поставени на бариерите со мала доза на ароганција кажаа дека така им било наредено без да прецизираат кого. Јас повторно им објаснив дека патувам во Македонски Брод и ги прашав од каде треба да одам за да не платам, но тие повторно арогантно одговорија дека мора да платам за да поминам и дека нема друг начин – кажал револтираниот читател.

Не ми значеа ништо 60те денари во споредба со нивното дрско однесување. На целата оваа ситуација јас им одговорив дека не ми се допаѓа, на што добив одговор дека и на нив не им се допаѓаат скопјаните – додал нивниот читател.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.