Регулаторната комисија за енергетика утре напладне треба да ги соопшти новите цени на горивата кои ќе важат од полноќ.

Минатата недела имаше намалување на малопродажните цени на нафтените деривати во просек за 0,41 отсто.

Бензините поевтинија за половина денар за литар, додека цената на дизелот остана иста.

Со тоа малопродажна цена на ЕУРОСУПЕР БС-95 изнесува 59, а ЕУРОСУПЕР БС-98 се продава за 61 денари за литар. Малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ1) останаа 50,5 денари за литар.

Со одлуката на РКЕ за 0,109 денари за килограм се намали и малопродажната цена на Мазутот М-1 НС и изнесува 26,754 денари.

Останува да видиме дали не чека ново намалување на цените и утре.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.