Премиерот Зоран Заев и владиниот тим се задоволни од растот од 3% на БДП во третиот квартал, кој доаѓа од уметноста, трговијата, спортските обложувачници и казината.

Поставена е стабилнa основа за понатамошен раст и развој на економијата, базиран на реалната моќ на стопанството. Со 3% раст на БДП во третиот квартал, се потврдува успешноста на економските политики. Извозот расте за 16,4%, индустриското производство за 5,2%, а финалната потрошувачка расте за 5% како резултат на севкупниот раст на платите, објави македонскиот премиер Зоран Заев на социјалната мрежа фејсбук.

Според податоците на Државниот завод за статистика, растот на економијата доаѓа од уметноста, трговијата, индустријата, спортските обложувалници и казина. Лошата статастика во градежништвото и понатаму продолжува. По 40% пад во првиот квартал, овој сектор сега бележи намалување за 2,6 отсто. За Владата, трите проценти раст на БДП во третото тримесечје од годинава се позитивен сигнал за македонската економија. Анѓушев очекува дека годинава ќе се постигне раст од 2,8 насто, како што беше проектирано со ребалансот на буџетот, зашто проектите во градежништвото почнале да се реализираат подоцна.

Овој бруто домашен производ е генериран од реалната економија, не е генериран од виртуелни проекти кои државата ги правела со задолжување, вели Кочо Анѓушев, вицепремиер на РМ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.