Почна исплатата на парите од МојДДВ за за второто тримесечје од 2020, односно за месеците април, мај и јуни.

Како што објавија од министерството за финансии, досега на сметките на над 140 илјади граѓани се легнати над 167 милиони денари или 2,7 милиони евра.

Министерката за финансии Нина Ангеловска преку својот профил на Фејсбук најави дека исплатата продолжува и деновиве, како што ќе се доставуваат налозите до Трезорот на Министерство за финансии, сѐ додека не се исплатат сите средства на трансакциските сметки на граѓаните за второто тримесечје од 2020.

Поврат: 5,44 милиони евра; граѓани кои скенирале сметки заклучно јуни: 304.637 граѓани или околу 25.000 повеќе во однос на претходното тримесечје; скенирани сметки: 41,7 милиони сметки; аправен промет: 21,4 милијарди денари – наведува Ангеловска.

Министерката ги оценува како одлични резултатите на МојДДВ за јули и посочува дека се скенирани 21,5 милиони сметки или за 80 отсто повеќе во однос на просекот од сите останати месеци.

Таа потсетува и дека со МојДДВ граѓаните добиваат трикратна корист: помагаат во сузбивањето на сивата економија, добиваат поврат на ДДВ и добиваат можност за бројни парични награди преку #МојаНаграда.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.