Компаниите во државава се најдоа во незавидна ситуација со ситуацијата со корона вирусот. Имено повеќето компании наидоа на проблем откако беше донесена уредбата на владата од 01.04.2020, која има законска сила за запирање на извршните дејствија на извршителите до 30 јуни.
Во контекст на тоа извршителите се должни да запрат со преземање на било какви извршни дејствија, освен:

– Во предметите за побарувања врз основа на законска издршка;

– Со распределба на средствата пристигнати на нивните посебни сметки, доколку за тоа се исполнети законските услови;

– Со дејствијата кои следат по наплатата на средства од должникот, успешно спроведени јавни надавања, или продажби со непосредна спогодба.

Уредбата утврдува дека работодавците на должниците, Фондот за пензиско и инвалидско осигурување на Македонија и носителите на платен промет се должни да запрат со постапување по издадените налози од страна на извршителите до 30 јуни.

По донесување на оваа уредба поголем број компании се се уште со блокирани сметки поради различното толкување на оваа уредба од страна на банките и извршителите за налозите за извршување кои се пристигнати до банките пред донесување на оваа уредба.

Просто речено сите компании на кои им се блокирани сметките пред 01.04.2020 иако во уредбата на Владата јасно стoи дека треба да се запрат сите извршни дејствија, банките не сакаат да престанат со извршување затоа што Владата нема донесено уредба за нив.Од друга страна извршителите затоа што има уредба од владата не смеат да ги распределуваат средствата кои банките ги имаат сопрено од 01.04.2020 па натаму. На овој начин банките и да ги префрлат средствата, кои присилно ги наплатиле од фирмите, а подоцна ги прeфрлат на извршителите, извршителите немааат законска основа односно немаат право овие средства да ги префрлат на доверителите бидејки со закон им е забрането.

На овој начин во вонредни услови за работа, згора со блокирани сметки и голем број вработени лица за кои исто така од страна на Владата се дадени препораки за одржување на вкупниот број на вработени, се бара наплата на долгови кои се настанати поради настанатата ситуација со корона вирусот.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.