Стопанската комора за туризам (СКТМ) предупредува дека новите Ковид мерки кои треба да стапат во сила од 1 септември сериозно ќе го усложнат патувањето и отежнат престојот на македонските граѓани во странство.
Комората бара измена на условите за влез во државата – на македонските граѓани кои ќе бидат упатени во домашна изолација да им се дозволи во рок од 24 часа да извршат тестирање во домашна лабораторија и доколку имаат негативен резултат да бидат ослободени од самоизолација.
Како што соопшти Комората, ваквото барање е доставено до министерствата за здравство и за економија.
Мерките во врска со враќањето на нашите граѓани од странство (користење на летниот одмор или враќање од службено или приватно патување), сериозно ќе го усложнат патувањето и ќе го
отежнат престојот на македонските граѓани во странство поради комплицирана постапката на барање лабораторија и реализација на тестирање во странство, особено во места во кои можеби лаборатории не се лесно достапни на патниците, а ќе значи и зголемени трошоци за тестови кои во другите земји најчесто се со повисоки цени за истата услуга во нашата држава – истакнува СКТМ.
Комората изразува жалење што не е консултирана при донесувањето на рестриктивните мерки за патувањата.
Напоменуваме дека во светот се реализираат голем број на патувања во многу дестинации и дека со почитување на досегашните протоколи (одржување на физичка дистанца, носење на заштитна маска и хигиена) во многу туристички дестинации непречено и безбедно се одвиваат економските активности. Се надеваме и очекуваме одговорните институции да го прифатат нашиот предлог и да го олеснат патувањето на нашите граѓани во странство, односно враќањето во матичната земја – наведува Комората.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.