Министерот за економија Крешник Бектеши, во гостувањето во емисијата „Топ Тема“ на ТВ Телма, соопшти дека кај три компании се утврдени неправилности во делот на исполнување на стандардите за увоз на мазут и веќе се вратени неколку цистерни со мазут од страна на Царинска управа за неисполнување на стандардот согласно Правилникот за квалитет на горивата, но не во делот на сулфурот, но во другите параметри согласно стандардите.

Министерот информира дека утре е крајниот рок кој го имаат надлежните институции да достават податоци за информацијата којашто беше објавена за увоз на сомнителен мазут во земјата, а откако овие информации ќе се разгледаат од страна на Владата и ќе биде инфомирана јавноста и секако надлежните органи на прогонот, доколку се утврдат злоупотреби.

Министерот информираше дека за она што е во надлежност на Министерството за економија во делот на Правилникот за квалитет на горивата, тие се целосно хармонизирани согласно европските директиви.

Во изминатите години најголеми реформи беа направени во делот на енергетиката и во Законот за енергетика и Закон за енергетска ефикасност. И ние ја исполнивме нашата задача за услогласување на нашето законодавство што е нотирано и во извештајот на Европската комисија за напредокот на државата – изјави Бектеши и потенцираше дека во делот на законодавството ги имаме сите европски стандарди.

Тој информираше дека од вчера заедно со Државниот пазарен инспекторат и државната мобилна лабараторија на Битрото за метрологија почнале вонредни контроли за квалитетот на течните горива.

Вчера беа направени вондредни контроли кај пет компании за горивата кои ги користат. Не можам да кажувам имиња, но станува збор за најголемите компании во земјата, кои покриваат 80 проценти од пазарот со нафтени деривати во нашата држава – изјави Бектеши.

Тој додаде дека планирани се контроли во сите десет компании кои што работат со трговија на нафтени деривати, а имаат над 300 бензиски пумпи.

Лабораторијата е во функција и граѓаните ќе знаат за квалитетот на течните горива од бензиските пумпи од каде што купуваат. Ние како Влада сме обврзани да им овозможиме на институциите да работат согласно нивните потреби, а тоа е независната мобилна лабораторија, која нема да биде селективна – изјави Бектеши.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.