Природниот одлив и пензионирањето се причините за тековните вработувања во администрацијата и тие не се побројни во однос на претходниот период. Напротив, рече денеска министерката за финансии Нина Ангеловска.

Одговорајќи на новинарско прашање по потпишувањето на договорите со КФВ банката, зошто токму сега има многу огласи за вработувања, Ангеловска беше децидна дека одобренија се даваат само ако за тоа се исполнети условите.

Не се работи за зголемен број вработувања во однос на претходниот период, а согласност за вработување од надлежните министерства, за финансии или за информатичко општество, се дава само ако условите се исполнети, ако е тоа согласно годишниот план и ако потребата е оправдана. Во спротивно, не се издава согласност. Се разгледува и дали корисникот има буџетски средства, како и колкав е обемот на работа, истакна министерката.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.