Денеска се очекува да се одржи самит на земјите од Берлинскиот процес. Заеднички домаќини се премиерите Зоран Заев и Бојко Борисов. За прв пат, две земји во регионот претседаваат со ваков состанок.

Премиерот Борисов повеќе не е во карантин и ќе се сретне во живо со Зоран Заев во Софија, изјави за Бугарската национална телевизија министерката за надворешни работи Екатерина Захариева.

Постојат три приоритети за овој процес – економија и поврзаност, безбедност и добрососедство.

Захариева ги коментираше односите меѓу Бугарија и Македонија и нивните позиции.

Имаме забелешки не само во однос на текстот на историјата. Имаме забелешки во однос на напредокот на инфраструктурните проекти, на Коридорот 8. Во следната рамка за финансирање на ЕУ, тие немаат доставено ниту еден инфраструктурен проект исток-запад. И ова е врската со Бугарија. Денес ќе ги прашам кога ќе ја свикаат меѓувладината комисија за да го следи спроведувањето на договорот“, рече Захариева.

Денешниот самит нема никаква врска со проширувањето на ЕУ. Да, ги подготвува земјите од Западен Балкан, но тоа не е состанок на кој ќе се разговара за мерка за преговори или ќе се донесе одлука за тоа, рече Захариева.

Според Захариева на средбата ќе се разговара во врска со отворените прашања меѓу двете земји.

Захариева појасни дека немала посебен разговор со нејзиниот колега, министерот Бујар Османи.

Повеќе од година и пол, ние се залагаме за поинтензивно спроведување на договорот за соседство со Скопје. Според наше мислење, само во областа на туризмот има напредок, т.е. гледаме зголемување на туристичкиот проток и во двете земји. Сепак, ова не е доволно, прокоментира Захариева.

Захариева ја повика Македонија да не се потпира на фактот дека некој ќе изврши притисок врз Бугарија да замижи на неисполнувањето на договорот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.