Денес, после многу години заканување, и официјално е формирана таканаречената војска на Косово, на нелегален и незаконски начин, изјави вечерва српскиот претседател  Александар Вучиќ, на вонредната прес-конференција по повод денешните настани.

Сè што сторија Албанците, го сторија во спротивност со меѓународното право и во спротивност со својот највисок правен акт, Уставот, како што велат тие, на Република Косово. Покажаа дека никогаш не им било до правото и правдата, туку до реализирање сила, напад врз Србите и нескриен напад врз Република Србија, рече претседателот Вучиќ.

Вучиќ додаде дека Белград водел дијалог бидејќи сака компромис.

Сега е јасно дека Албанците не сакаа компромис, и за сè што тие прават имаат поддршка од САД, Велика Британија и Германија, додаде Вучиќ.

Претседателот на Србија вечерва истакна дека е создадена атмосфера што ја гази и уништува Србија. Тој во изјавата рече дека Србија се префрла на мирна демократска политика, која се обидува да ги заштити своите државни и национални интереси.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.