Претседателот на Србија, Александар Вучиќ, кој утре ќе учествува на Бледскиот стратешкиот форум, организираше вечера за премиерите на Македонија и Албанија, Зоран Заев и Еди Рама, јави дописникот на МИА од Белград.

Тој на „Инстаграм“ објави заедничка фотографија со премиерите Заев и Рама со наслов – Бледски форум во сенка на Отворен Балкан! Добро дојдовте драги пријатели!

-Се наоѓаме во ресторан „Земоно“ на почесниот конзул на Србија Томаж Кавчиќ, секако едно од најдобрите места во регионот. Бидејќи јас сум организатор на вечерата и домаќин на Зоран Заев и Еди Рама овде во„ Земон“, со помош на Томаж морам се добро да подготвам, а оваа мангулица во леб е посебен специјалитет, напиша Вучиќ со фотографија од ресторанот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.