Загадувањето на воздухот во Загреб веќе неколку денови е над максимално дозволено ниво. Според последните мерења, во некои деловот од градот, концентрацијата на малите ПМ 2,5 честички е со индекс 70, што е за 20 повеќе од дозволеното.

Како што јави дописникот на МИА од Загреб, градските власти излегоа со совети до граѓаните како да се заштитат од загадениот воздух, но и како да не придонесуваат до понатамошен раст на концентрациите на ПМ 2,5 и ПМ10 честичките. На загрепчани им се препорачува да се воздржат од физички активности на отворено и да го користат јавниот превоз, а не личните автомобили.

Според податоците речи 15% од Хрватите за затоплување на своите домови употребуваат цврсти горива, што статистички е главна причина за зголемување на концентрациите на ПМ честичките.

Лекарите пак препорачуваат децата, старите и болните лица да не се изложуваат долготрајно на загадениот воздух, потсетувајќи дека тој лошо влијае и на кардиоваскуларниот систем, а болестите на срцето и крвните садови се причина број еден за смртноста во Хрватска.

Според последните мерење, Загреб денеска на листата најзагадени градови се наоѓа на 47 место.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.