Возачот на косовскиот автобус, во кој во неделата загинаа 10 патници, а повеќе од 40 беа повредени, се бранеше денеска со молчење за време на испрашувањето во окружното државно обвинителство во Славонски Брод, пренесуваат регионалните медиуми.
Го испрашував пријавениот кој се бранеше со молчење. По ова, ќе се донесе одлука за спроведување истрага поради основано сомнение за сторено кривично дело. Ќе биде предложен и истражен затвор, за кој ќе се одлучува на утрешното рочиште закажано за 9 часот, изјави Фрањо Копунич, претставник од обвинителството.
Тој потврдил дека на возачот му е доделен адвокат по службена должност.
По сослушувањето, возачот е вратен во притвор. Според поднесената кривична пријава, возачот на автобусот се соочува со затворска казна од шест месеци до 15 години.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.