Среде пандемија и здравствена криза од епски размери, најголемиот пораст на платата од 1 јануари следната година во Србија ќе го добијат не лекарите и медицинските сестри, туку војниците, објави српскиот весник „Данас“.
Она што пред неколку дена го објави новиот министер за армија Небојша Стефановиќ, беше потврдено вчера од министерот за финансии Синиша Мали дека – армијата ќе добие дополнително зголемување до 10 проценти.
Инаку, претходно беше утврдено дека од 1 јануари здравствените работници ќе добијат зголемени плати од пет проценти, а другите во јавниот сектор 3,5 проценти, а од април нивните плати ќе се зголемат за вкупно пет проценти.
Сепак, одеднаш се појави предлог што се чини експресно и усвоен за да им се даде на војниците зголемување од 10 проценти, наведува весникот.
Интересно е што во вчерашното соопштение на Министерството за финансии никаде не се споменува зголемување на платите за армијата, но се споменува зголемување на платите за здравствените работници во последната година, но не и идните зголемувања.
Од Фискалниот совет велат дека предлогот на буџетот за следната година, кој го оцениле, не предвидува вакво зголемување на платите во армијата, па се очекува тој да биде додаден со амандмани.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.