Српскиот министер за образование, Бранко Ружиќ соопшти дека 126 деца во предучилишни установи, 2.321 ученик во основни училишта и 2.151 средношколци се заразени со корона вирусот.

Во  гостување во емисијата „Прашалник“ на Радиотелевизија Србија (РТС), Ружиќ изјави дека во предучилишни установи биле заразени 1.357 вработени, 2.882 во основните училишта, а во средни училишта има 1.164 заразени работници.

Нема причина да се крева паника и да се предизвикува психоза со приказни дека се заразени десетици илјади ученици и вработени – нагласи Ружиќ.

Говорејќи за преминот кон онлајн настава, тој рече дека транзицијата е „прилично добра“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.