Во Хрватска во изминатите 24 часа се регистрирани 3.272 нови случаи на Ковид-19. Бројот на активни случаи се зголеми на 21.297 лица.

2.918 пациенти се лекуваат во болници, а 294 се на респиратор.

Во изминатото деноноќие починаа уште 68 пациенти позитивни на Ковид-19. Бројката на починати во Хрватска достигна 3.023 лица.

Досега во Хрватска од Ковид-19 заболеа 190.235, оздравеа 165.915, а вкупно се тестирани 931.358 лица, од кои 10.849 во последните 24 часа.

Кризниот штаб донесе и нови мерки за заштита од корона вирусот, па така од 23 декември на сила стапува забраната за патувања меѓу жупаниите, а од 21 декември само членови на две семејства може да се дружат истовремено.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.