За два дена во Црна Гора избувнале 56 пожари во централниот и крајбрежниот дел на земјата, објави Министерството за внатрешни работи во Подгорица.

Во моментов, според црногорското МВР, активни се четири пожари од кои едниот е во близина на Подгорица.

Управата за вонредни состојби на Министерството повторно ги повика граѓаните да се воздржат од палење оган на отворен простор и на тој начин да го намалат ризикот од пожар.

Министерството за внатрешни работи забележува дека, иако метеоролошката состојба во наредните денови ќе биде поповолна, опасноста од пожари не е помината.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.