Вакцинацијата против корона вирусот во Албанија продолжува со несмалена динамика и до сега се имунизирани 250.676 лица.

Министерката за здравство, Огерта Манастирлиу, преку видеопорака на Фејсбук, споменува бројка колку вкупно постари лица се вакцинирани и ветува дека во текот на месец мај се очекува имунизација на вкупно 500 илјади лица со што „ќе се создаде можност за полесна туристичка сезона“.

Повеќе од 176.000 баби и дедовци се позаштитени денес од Ковид-19, благодарение на масовната кампања за вакцинација, која ќе ја продолжиме со уште голема стапка, за да го заштитиме здравјето и животот на секој граѓанин. Направени се 250.676 вакцинации а 500.000 во текот на месец мај – вели Манастирлиу.

Манастирлиу информира дека почнува имунизацијата на лицата над 65-годишна возраст и се планира вакцинација на 20 до 30 илјади лица дневно.

Во меѓувреме во земјата овој месец бројот на новозразени бележи голем пад. Во просек дневно се регистрираат по околу 300 нови случаи, наспроти минатиот месец кога бројката беше над 1.200



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.