Полициски офицер од секторот за криминал е застрелан претпладнево во момент кога заедно со други колеги биле на работна задача во откривање на парцели со канабис.

Инцидентот се случи во 10:30 на осторовот Лежа кога од огнено оружје е пукано врз полциска група која била во контрола на тоа подрачје, во рамки на акцијата за елиминирање на одгледувањето на наркотични растенија. Тешко е повреден полицисикот офицер Саимир Хоџа (44) кој им подлегна на повредите на пат кон регионалната болница во Лежа, се наведува во полициското соопштение.

Областа е блокирана од големи полициски сили, меѓу нив и припадници на специјалната единица за брзи интервенции, а на местото на настанот е и генералниот директор на полицијата Анди Велиу и истражна екипа.

Хоџа, кој имал релативно подолга кариера во полицијата, бил оженет и е татко на две малолетни деца.

Полицијата веќе го идентификувала убиецот, за кого се верува дека се уште се крие во близина на подрачјето каде се случил инцидентот



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.