Вакцинацијата против коронавирус во Бугарија ќе започне во недела, пренесуваат бугарските медиуми.

Кампањата за вакцинација е организирана од регионалните здравствени инспекции, а вакцините ќе бидат ставани од страна на лекари во медицински установи за амбулантско и болничко згрижување, регионални здравствени инспекторати, како и лекари во специјализирани структури во рамките на Министерството за внатрешни работи и Министерството за одбрана и во мобилни тимови.

Во случај на потреба, ќе бидат мобилизирани медицинските работници од ургентните центри, други медицински установи, градинки и училишта, се наведува во одредбата на Министерството за здравство.

Вакцинацијата ќе се одвива на доброволна основа и ќе биде бесплатна.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.