Попладнево во Софија имаше обид се одржи таканаречениот Луков марш кој го организираат различни националистички фракции во спомен на контроверзниот генерал Христо Луков, но маршот беше прекинат со наредба на градоначалничката на Софија.

Кратко време откако почитувачите на контроверзниот бугарски генерал Христо Луков се собраа во центарот на Софија на марш со факели, градоначалничката на главниот бугарски град Јорданка Фандакова издаде наредба за забрана на собирот, по што како што јавуваат бугарските медиуми, полицијата ги разделила насобраните во помали групи. Според наредбата од градоначалничката тие не можат, како што планираа, да маршираат низ Софија, туку само да се соберат пред куќата во која живеел Луков и таму да положат цвеќе. По интервенцијата на полицијата, како што јавува Бугарската национална телевизија, насобраните во помали групи се упатиле кон куќата во која живеел генералот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.