Словенија нема да воведува нови рестриктивни мерки за движењето на граѓаните, најави министерот за внатрешни работи Алеш Хојс.

Како што јави дописникот на МИА од Љубљана, генералната оценка на властите е дека Словенците се дисциплинирани и ги почитуваат препораките за ограничување на движењето, така што потребна од дополнителни забрани, засега нема. Предлогот на армијата да и се дадат полициски овластувања исто така е ставен во мирување.

– Во овој момент предлогот на армијата да и се дадат полициски овластувања со цел справувања со последиците од коронавирусот е повлечен. За тоа ќе треба да разговараат сите пратеници – изјави Хојс.

Претседателот на државата Борут Пахот веќе соопшти дека ќе поддржи активирање на армијата, но само во делот на поефикасно чување на границите.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.