Словенечките пратеници Франц Богович, Тања Фајон и Клемен Грошељ истакнаа дека проширувањето на Европската Uнија кон Западен Балкан е долгорочен, но многу важен процес за двете страни.

Во онлајн дебата организирана од Канцеларијата за врски на Европскиот парламент, тие оценија дека овонеделниот самит ЕУ-Западен Балкан претставува можност да се потврди посветеноста за проширување.

Тие се согласија дека ЕУ е должна да им понуди позитивни промени на граѓаните од Западен Балкан, што треба да ги почувствуваат уште пред да влезат во ЕУ.

Тие предупредија дека проширувањето кон Западен Балкан е многу долг процес и дека луѓето во тој процес не смеат да ја изгубат желбата да се приклучат на Унијата.

Според нив, ЕУ треба да ја подобри директната комуникација со граѓаните од Западен Балкан, а вклучувањето на Западен Балкан во ЕУ, кога ќе ги исполни критериумите за пристапување, е во интерес на целиот регион.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.