Од денеска па во наредните десет дена ќе бидат на сила новите мерки на Владата на Србија, донесени со цел да се спречи ширењето на корона вирусот.

Согласно тие мерки, до 3 декември работното време на угостителските објекти – ресторани, кафулиња, барови, клубови, како и трговски центри, театри, кина и други културни институции, како и приредувачи на специјални и класични игри на среќа, ќе биде ограничено до 18 часот.

Продавниците и другите малопродажни објекти ќе бидат отворени до 21 часот.

Аптеките, бензинските пумпи и угостителските објекти што доставуваат храна, можат да работат без ограничувања.

Сите продавници кои не се наоѓаат во трговски центри, како што се бутиците во белградската улица „Кнез Михајлова“ или фризерниците во соседството, но и многу занаетчии, ќе можат да работат, како и во претходната одлука, до 21 часот – изјави за „Блиц“ градскиот секретар за одбрана, вонредни ситуации, комуникација и координација на односите со граѓаните Дарко Главаш.

Тој додаде дека по 18 часот, а најдоцна до 21 часот, ќе можат да работат банките, покрај оние лоцирани во трговските центри.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.