Кога напишав „незапирливата анти-корупциска лавина на Балканот”, ќе почне од Косово, сите ми се смееја, вели професорот Блерим Река, коментирајќи ги вчерашните вонредни парламентарни избори во Косово, каде убедливо победи опозицијата. Професорот преку „Фејсбук“ додава дека победата на движењето Самоопределување на Албин Курти е лавина која ќе ги стигне сите делови на регионалниот корумпиран картел.

Според Река победата на Курти е и поради барањето на САД, кои почнале глобална војна против корупцијата, да не се гласа за корумпирани политичари. Тој смета дека сличен развој на настаните следува и во Македонија и другите земји во регионот.

Лавината почна, не се знае каде ќе застане…, додава професорот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.