Дванаесет лица беа уапсени денес во Солун на протестите организирани против турската интервенција во Сирија.

Протестите се организирани на местото каде што се наоѓа Музејот на Мустафа Кемал Ататурк, кој е изграден на местото каде што е роден основачот на модерна Турција.

Демонстрантите влегле во имотот на Музејот Ататурк, кој се наоѓа на имотот на турскиот конзулат, и поставиле транспарент пред да бидат приведени од стражарите и полицијата, пренесува АП.

Одговорноста за инцидентот ја презела грчка анархистичка група, која објавила видео од протестот на нивната страница.

Протест се одржа и во Атина пред турската амбасада, каде што учесниците ги повикаа граѓаните „да ја интензивираат организираната борба против експлоативните системи што генерираат компетентност, сиромаштија, војни и бегалци“ и изразија солидарност со луѓето во Сирија кои страдаат, како и со луѓето во Турција кои ја осудуваат и се спротивставуваат на инвазијата на Сирија, пренесува АНА.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.